 |
| HM Sabar |
**** KEMAREN sore, Mangajisabar dak sabar ngobrol samo dulur-dulurnyo, di Ambenan depan rumah Wakso, becerito dari soal Gayus Timbunan duit sampei ke soal sunat menyunat duet Gapoktan dan Palak desa nyual raskin. Dang, lemak-lemaknyo begesa "piiis" bunyi suaro alus dalam kain Matsikut, apo kau sidang rakyat kaki limo ini bubar. Ado yang nutup idung begeser, ado yang nungguke raso, ado pulo yang temunta, waak week, puihi aah sambel beludah. Yaah ampun KUT sue kau keluo ke ikak-i oi, celetuk Wakso, payo be ije kalu makan tu...heeek.
**** Nech, retinye nak nunggu bedepis nian budak ni bubar, rutuk Matsikut, sambel mehenge-henge keladasan, kurang andam sewetnyo dikibas-kibaskenyo pulo, apo kau sekeliling itu bauk kucur, peker atinyo tu, rasa in lah eluh luh...huahaa busuk angit.
**** Mang, celetuk Matsikut negorke Mangajisabar dak sabar, kabarnyo bakal ado mutasi di dusun kito ni, kalu ado nian, omongke samo "Rajo" tu, Musang bebulu ayam siso tempo ari tu lanjakke lah galo, mako benaul-benaul itu tau raso...bruut.
**** Benar nian uji awak tu, simbat Nangkucil sambel telunjuknyo bemain perses pecak mandor bangunan yang dak sudah-sudah disano itu. Dulu, zaman kampanye pecak melengos galo, sekarang nak jadi pahlawan kesiangan galo. Alahai, di sangkonyo wong dak tau kalu dio pelantat-pelintut mak kayo ban motor buruk...ber-ruk-ruk.
**** Ai-ai, Mangdewan kito tu lah pelesiran ke Bali pulo caknyo, omongannyo tu tugas negara, uji Nangkucil ngolahke. Iyo pulo, simbat Matsikut, selagi ado kesempatan, ke Bali jangan bae laju melanjakke Bule...heeek.
**** Halo Om, jangan lali ole-ole nye tu ek, pekik Matsikut ngebel Om Lem di Pulau Dewata sane. Elee, gaya Matsikut ikak, kene nian oi carenye ngolah ke wang, uji Wakso, sue kendaknye budak ikak, cengki nak mintek belanje tula...uhui.
**** Bak mano ding! cerito apo kamu gesahke pecak ladas nian tu, uji Pemarap, endo kan meretok. Endo, "Rap" cuma merorehi Om Lem bae, simbat Matsikut, sambel ngeleng-ngelengke kepalaknyo, perses pecak palak "Setuo" itu nagak-nagak "nganar" dalam sewet, dak pecayo bayangke lah...haaaa.
**** Onye bite Lur, pokik Mangajisabar dak sabar, negurke Matbobon di pasar Kyagung, bedobi. Sekude cerite duet Gapoktan kite tu Lur. Uwat nihan onyi de potong-potong palak Pak Tani, alasenne untuk partai pelitek "Rajo" heee...lawang sanak aje.
